ကြံ့ဖွံ့ မတရား အနိုင်ယူပါက ရွေးကောက်ပွဲရလဒ် ပါတီများ သပိတ်မှောက်မည်
11:03 AM
သူ၇ိန်
, Posted in
ခင်ဦးသာ Friday, 05 November 2010
တိုင်းရင်းသား ဒေသများတွင် ၎င်းတို့၏ တိုင်းရင်းသား ပါတီကိုသာ ထောက်ခံမှု အပြည့်အ၀ ရှိနေပြီး ရွေးကောက်ပွဲ၌လည်း အနိုင်ရရန် အခြေအနေ ကောင်းနေမှုအပေါ် ကြံ့ဖွံ့ပါတီက ကြိုတင်မဲ ကောက်ယူခြင်းကို ဥပဒေ မျက်ကွယ် ပြု၍ အနိုင်ယူရန် ပြင်ဆင်နေကြောင်း တိုင်းရင်းသားပါတီ ခေါင်းဆောင်များက ပြောသည်။ရွေးကောက်ပွဲ ရလဒ်အပေါ်မူတည်၍ သပိတ်မှောက်ခြင်းကို တိုင်းရင်းသားပါတီများ၊ ဒီမိုကရက်တစ် အင်အားစုများနှင့်အတူ လက်တွဲ ဆောင်ရွက်သွားမည် ဖြစ်ကြောင်း၊ ရှမ်းပြည်နယ်၏ မဲဆန္ဒနယ် အများစုတွင်လည်း ကြံ့ဖွံ့ပါတီသည် အတင်းအကျပ် လုပ်ဆောင် နေသည်ကို တွေ့နေရကြောင်း၊ ဥပဒေမဲ့ လုပ်ရပ်မှန်သမျှကို ဆန့်ကျင်သွားမည် ဖြစ်ကြောင်း ရှမ်းတိုင်းသားများ ဒီမိုကရက်တစ် ပါတီ၏ အလုပ်အမှုဆောင် တဦးက ဆိုသည်။
သပိတ်မှောက်ခြင်း၊ မမှောက်ခြင်းသည် ရွေးကောက်ပွဲ၏ ရလဒ်အပေါ် အဓိက မူတည် မည်ဖြစ်ကြောင်း၊ ကြံ့ဖွံ့ပါတီအနေဖြင့် လက်ရှိတွင် မတရား လုပ်ဆောင်နေသော်လည်း ရွေးကောက်ပွဲ နေ့တွင် မည်ကဲ့သို့ လုပ်ဆောင်မည်ကို သေချာစွာ လေ့လာ စောင့်ကြည့် သွားမည်ဖြစ်ကြောင်း ပြည်ထောင်စု ဒီမိုကရေစီပါတီ (UDP) ဥက္ကဋ္ဌ ဦးသိန်းဌေးက ရှင်းပြ သည်။“ကျနော်တို့က ပြိုင်ကြရဦးမှာမို့လို့ ဘာတွေဖြစ်လာမလဲ ဆိုတာ အရင်စောင့်ကြည့်ရ ဦးမှာပါ၊ ပြိုင်ပွဲအပေါ် မူတည် ဆုံးဖြတ်ဖို့တော့ အားလုံး လုပ်ဆောင်ကြရမှာပေါ့” ဟု သူက ဆိုသည်။ကြံ့ဖွံ့ပါတီသည် ရှမ်း၊ ရခိုင်၊ မွန် စသည့် တိုင်းရင်းသားပါတီများ တည်ရှိရာ နေရာများအပြင် တခြားသော ကချင်၊ ကရင်၊ ကယား၊ ချင်း စသည့် တိုင်းရင်းသားပါတီများ အားကောင်းရာ ဒေသများတွင်လည်း ၎င်းတို့ပါတီ အနိုင်ရရေးကို ပါတီဝင်များက ဒေသဆိုင်ရာ အာဏာပိုင်များနှင့် ပူးပေါင်း လုပ်ဆောင်နေကြောင်း ဒေသခံ များထံမှ သိရသည်။
0 Response to "ကြံ့ဖွံ့ မတရား အနိုင်ယူပါက ရွေးကောက်ပွဲရလဒ် ပါတီများ သပိတ်မှောက်မည်"
Post a Comment